അമേരിക്കയിലും ഓണപ്പൊലിമ; കടൽ കടന്നും കേരളത്തനിമ കാത്ത് അമേരിക്കൻ മലയാളികൾ

കാലിഫോർണിയയിൽ കേരളത്തെ പുനഃസൃഷ്ടിച്ച് മലയാളികൾ

കാലിഫോർണിയ: കേരളത്തിൽ നിന്ന് ആയിരക്കണക്കിന് മൈലുകൾ അകലെ, അമേരിക്കൻ മണ്ണിലും ഓണത്തിന്റെ തനിമയും പകിട്ടും ആവേശവും നിറഞ്ഞുനിന്നു. കാലിഫോർണിയയിലെ Indian Cultural Centre-ൽ നടന്ന മലയാളികളുടെ ഓണാഘോഷം പ്രവാസി മലയാളികളുടെ സാംസ്കാരിക ഐക്യത്തിന്റെയും കേരളീയ പാരമ്പര്യത്തോടുള്ള അടുപ്പത്തിന്റെയും മനോഹരമായ പ്രതിഫലനമായി.

ജാതി, മതം, വർഗം, വർണം തുടങ്ങിയ വ്യത്യാസങ്ങൾക്കതീതമായി സ്ത്രീകളും പുരുഷന്മാരും കുട്ടികളും കുടുംബസമേതം ആഘോഷത്തിൽ പങ്കെടുത്തു. മുണ്ടും ഷർട്ടും ധരിച്ച പുരുഷന്മാരും സെറ്റ് സാരിയും കേരളീയ വേഷങ്ങളും അണിഞ്ഞ സ്ത്രീകളും പുതുവസ്ത്രങ്ങളണിഞ്ഞ കുട്ടികളും എത്തിയതോടെ ഇന്ത്യൻ കൾച്ചറൽ സെന്റർ കേരളത്തിന്റെ തനിമ നിറഞ്ഞ വേദിയായി മാറി.

ചെണ്ടമേളം, തിരുവാതിര, പൂക്കളം, മാവേലി വേഷം, വിവിധ കലാപരിപാടികൾ എന്നിവ ആഘോഷത്തിന് കൂടുതൽ നിറവും ചാരുതയും പകർന്നു. മാവേലി വേഷമണിഞ്ഞെത്തിയ മഹാബലിയെ വരവേറ്റതും ആഘോഷത്തിലെ ശ്രദ്ധേയമായ കാഴ്ചയായി.

പതിനാറോളം കൂട്ടം കറികളും വിവിധതരം പായസങ്ങളും ഉൾപ്പെടുന്ന സമൃദ്ധമായ കേരളീയ ഓണസദ്യയും ഒരുക്കിയിരുന്നു. കേരളത്തിന്റെ രുചിയും സംസ്കാരവും പാരമ്പര്യവും അതേപടി അമേരിക്കൻ മണ്ണിൽ എത്തിക്കുന്നതായിരുന്നു സദ്യ.

കേരളത്തിൽ നിന്ന് അമേരിക്കയിലേക്ക് കുടിയേറിയവരാണെങ്കിലും, കേരളത്തെ മറന്നില്ല; മറിച്ച് അമേരിക്കയിൽ തന്നെ ഒരു കൊച്ചു കേരളം സൃഷ്ടിച്ചു എന്നതാണ് ഈ ഓണാഘോഷം നൽകുന്ന ഏറ്റവും വലിയ സന്ദേശം.

കാലിഫോർണിയയിലെ വിവിധ മലയാളി സംഘടനകളുടെ നേതൃത്വത്തിൽ സംഘടിപ്പിച്ച ഓണാഘോഷ പരിപാടികൾ ഏറെ ആഘോഷപൂർവമായിരുന്നു. വിവിധ തലമുറകളിലുള്ള മലയാളികൾ ഒരുമിച്ചെത്തിയപ്പോൾ അത് പ്രവാസി മലയാളികളുടെ കൂട്ടായ്മയുടെയും സാംസ്കാരിക പൈതൃക സംരക്ഷണത്തിന്റെയും വേറിട്ട അനുഭവമായി മാറി.

മലയാളികൾക്കൊപ്പം ആഘോഷങ്ങളിൽ പങ്കെടുത്ത വിദേശികൾക്കും കേരളത്തിന്റെ സംസ്കാരവും പാരമ്പര്യവും കലയും ഭക്ഷണവും അടുത്തറിയാനുള്ള അപൂർവ അവസരമായി ഇത് മാറി.

നാട് വിട്ടെങ്കിലും നാടിനെ മറന്നില്ല…
ഓണത്തിലൂടെ അമേരിക്കൻ മണ്ണിൽ വീണ്ടും ഒരു കേരളം! 🇺🇸🌸🇮🇳

വാർത്തകൾക്കും പരസ്യങ്ങൾക്കും:
📞 08301 000078