രാമായണ മാസാചരണം: ഇന്ന് ഒന്നാം ദിനം; ബാലകാണ്ഡ പാരായണത്തിന് തുടക്കം
ജൂലൈ 17, 2026 | രാമായണ പാരായണം – ഒന്നാം ദിവസം (Day 1)
ഹരിഃ ശ്രീഗണപതയേ നമഃ। അവിഘ്നമസ്തു।
കർക്കടക മാസത്തിലെ രാമായണ പാരായണത്തിന് ഇന്ന് ഭക്തിനിർഭരമായ തുടക്കമാവുകയാണ്. കേരളത്തിലെ ഭവനങ്ങളിലും ക്ഷേത്രങ്ങളിലും ആദ്ധ്യാത്മരാമായണത്തിന്റെ ആദ്യഭാഗമായ ബാലകാണ്ഡം പാരായണം ചെയ്ത് ഭക്തജനങ്ങൾ ശ്രീരാമനാമ സ്മരണയിലേക്ക് പ്രവേശിക്കുന്നു.
ആദ്യദിനത്തിൽ പതിവുപോലെ ശ്രീരാമനാമ ജപം, ഇഷ്ടദേവതാവന്ദനം, രാമായണ മാഹാത്മ്യം, ഉമാമഹേശ്വര സംവാദം, ഹനുമാന് തത്ത്വോപദേശം എന്നിവയോടെ ആരംഭിച്ച് ബാലകാണ്ഡത്തിലെ നിർദേശിച്ചിരിക്കുന്ന ഭാഗം ഭക്തിപൂർവം പാരായണം ചെയ്യുന്നു.
ആദ്ധ്യാത്മരാമായണ പാരായണം കേൾക്കുകയും വായിക്കുകയും ചെയ്യുന്നത് മനഃശാന്തിയും ആത്മവിശ്വാസവും ധർമ്മബോധവും വളർത്തുമെന്നും, ശ്രീരാമനാമ സ്മരണം ജീവിതത്തിൽ ഐശ്വര്യവും ആത്മീയ ചൈതന്യവും പകരുമെന്നും വിശ്വാസമുണ്ട്.
ഇന്നത്തെ പ്രാർത്ഥന:
«”ശ്രീരാമ! രാമ! രാമ! ശ്രീരാമചന്ദ്ര! ജയ…
ശ്രീരാമ! മമ ഹൃദി രമതാം രാമ രാമ!”»
എല്ലാ ഭക്തജനങ്ങൾക്കും ഭക്തിനിർഭരമായ രാമായണ മാസാശംസകൾ.
ജയ് ശ്രീറാം!
ശ്രീരാമ ജയരാം ജയ ജയരാം!
